Golmma jándoris leat norgalaččat addán badjelaš 66 miljovnna ruvnno olbmuide geat Ukraina heahtedilis leat.
Sotnabeaivvi čađahedje guhtta veahkkeorganisašuvnna oktasaš ruhtačoaggima Ukraina álbmogii. Mánnodaga eahkedis lágidii NRK doarjjakonseartta mii lea oassin ruhtačoaggimis.
Dán rádjái leat čoaggán badjelaš 66 miljovnna Vippsa bokte. Ovtta diimmus adde olbmot badjelaš 40 miljovnna ruvnno, gaskkal diibmu 20 ja 21.
– Eat leat goassege vásihan dakkár áŋgiruššama. Eat goassege leat ovdan nu oanehis áiggis čoaggán nu olu ruđa Vippsa bokte. Lea stuora mokta addit ruđa ja dáhttu veahkehit olbmuid Ukrainas, lohká Vipps-hoavda Rune Garborg.
Ruhta maid čogget manná Rukses Russii, Flyktninghjelpenii, Redd Barnai, Caritasii, Kirkens Nødhjelpii og UNICEF:i.
