Eiseváldit eai leat bargan doarvái unnidit ráiggiid ja ođasmahttit juhkančáhcefierpmádaga, oaivvilda Riikadárkkástus. 30 proseantta čázis ii joavdda geavaheaddjái.
Riikarevisor Karl Eirik Schjøtt-Pedersen deattuha ahte ráiggiid bohcciin sáhttet čuohcat olbmuid heggii ja dearvvašvuhtii go vuollegisdeatta dagaha ahte nuoskkideapmi sáhttá boahtit johtasiid sisa. Son deattuha maid ahte ráiggit leat divrasat servodahkii.
– Dasa lassin diehtit ahte dálkkádatrievdamat sáhttet mearkkašit eanet goikamiid ja čáhceváni báikkálaččat Norggas. Dalle ii leat buorre golahit čázi nie, dadjá riikarevisor.