Eai Oarje-Finnmárkku politiijat ge bállen nu sákka vuoiŋŋastit mannan ija.
Eai Oarje-Finnmárkku politiijat ge bállen nu sákka vuoiŋŋastit mannan ija.
Hammerfeasttaš šattai rigearra taxivuordinráiddus. Muhtin almmái časkui njunnái. Politiijat eai dieđe juste mo dát lea dáhpáhuvvan ja gillájeaddji manai ruoktot. Árvvoštallo váidit ášši, dieđihedje politiijat diibmu 03.34 mannan ija.
Muhtin goalmmátlot-jahkásaš nisu váidui go gávnnahalai gožžamis Álttá gávpotguovddážis, dieđihedje politiijat diibmu 03.14.
Biilalihkohisvuohta
Mannan ija beaškkehedje guokte biilla oktii Fuglenesluoddaearus Hammerfeasttas. Okta olmmoš roasmmehuvai ja váidalii leat čielgebákčasa. Olmmoš dolvojuvvui buohccivissui ja politiijat ásahit johtolatášši. Politiijat dieđihedje dán birra diibmu 02.19.
Muhtin olgobáiki gohčui politiijai báikái go vásihedje guossi mii lei juhkan ja láhttii romit. Olmmoš lei guođđán báikki ovdal go politiijat jovde dohko, dieđihedje politiijat váile guovttis mannan ija.
Ruovttus rigeren
Leavnnja politiijat šadde fitnat muhtin priváhtadálus Leavnnjas gos lei rigearra. Čihččetlot-jahkásaš almmái gohččojuvvui guođđit dálu, dieđihedje politiijat diibmu 01.42 mannan ija.
Dojii njuni
Muhtin viđátlot-jahkásaš almmái časkkahalai muhtin olgobáikkis Álttás, sus jáhkkimis doddjui njunni. Politiijat dolvo albmá doaktára lusa. Politiijat eai dieđe gii dat časkkii albmá, muhto ásahit ášši dás. Sii leat gažadan ovtta vihtana, dán dieđihedje politiijat badjelaš ovttas mannan ija.
Buot dáid lea Oarje-Finnmárkku politiijaguovlu dieđihan twittera bokte.
