Rádioaktiivvalaš cesiuma gávdno ain šattuin olu duoddariin Norggas. Vaikko sámmáliin ja jeahkáliin lea njiedjan rádioaktiivvalaš cesiuma dássi, de lea earret eará ain heastadakŋasis olu rádioaktivitehta.
Norgga Luonddudutkaninstituhtta (NINA) čállá ruovttusiiddus ahte maŋŋá Černobyl lihkohisvuođa 1986:s, de gahčai olu rádioaktiivvalaš cesium (CS.137) Norgga guovlluide.
Cs-137 dássi geahpui beliin 30 jagis ja NINA lea čuvvon mielde.
Gaskamearálaš dássi lea gaskal 20-300 bq/juohke kilo goikedeattus, earret Byrkije álbmotmeahcis Nordlánddas, gos lea 25 geardde eambbo. Dovre ja Rondane duoddariin lea geahppánan.
