Ráđđehus evttoha liige ruhtadeami 2,5 miljárdda ruvnno buohcceviesuide. Sivva lea erenomáš gollulassáneapmi 2022:s.
Liige ruhtadeapmi evttohuvvo stádabušeahta ođđaseastima oktavuođas.
– Dát buorida ekonomalaš bohtosa dearvvašvuođafitnodagaide dán jagi, dadjá dearvvašvuođa- ja fuolahusministtar Ingvild Kjerkol (Bb).
Dearvvašvuođafitnodagain lea leamašan negatiiva ekonomalaš ovdáneapmi ja boađus lea leamašan heajut go vurdojuvvon vuorddakeahtes haddelassánemiin maŋimuš áiggi.
Badjel bealli ruđas manná Dearvvašvuohta Lulli-Nuorta HF:i, mii oažžu lagabui 1,35 miljárdda ruvnno. Dearvvašvuohta Oarji HF oažžu 477 miljovnna ruvnno, Dearvvašvuohta Gaska-Norga HF masá 358 miljovnna ja Dearvvašvuohta Davvi HF 317 miljovnna ruvnnu.
(©NTB)