Ráđđehus dieđiha ahte áigot evttohit Stuoradiggái 30 miljovnna juolludusa boazodoalu heahtefondii.
– Boazodoallu lea gáibideaddji dilis, ja lea dehálaš munnje, boazodoalloministarii ahte mii láhčit dili vai ealáhus birge roasus. Ealáhusas lea olu bargu dán dálvvi, ja lea dehálaš ahte ráđđehus veahkeha ásahuvvon systemaid bokte heahtegearggusvuođa dili boazodoalus, lohká ealáhus- ja biebmoministtar Sandra Borch.
Heahtedilli Finnmárkkus, Romssas ja Nordlánddas
Ealáhus- ja biebmodepartemeantta dieđiha preassadieđáhusas ahte guohtunroassu lea vearáskan dán dálvvi, ja ahte bohccuide lea hástalussan sihke Finnmárkkus, Romssas ja Nordlánddas. Dáin guovlluin lea dárbbašlaš biebmat sullii 160.000 bohcco.
– Liige 30 miljovnna veahkeha bisuhit dálá ortnegiid ja veahkeha boazodolliid guohtunroasu čađa. Mun áiggun čuovvut dili dassážii guohtundilli buorrána, sihke orienterema ja buori gulahallame bokte boazodoalloeiseválddiiguin ja NBR:in, lohká ealáhus- ja biebmoministtar.
