Norgga ráđđehus evttoha lasihit heahtegearggusvuođafondii 20 miljovnna ruvnno boazodoallošiehtadusa bokte.
– Boazoealáhus lea erenomáš gáibidahtti dilis. Danne lea mearrideaddjin ahte dál láhččojuvvo nu ahte sáhttet oastit fuođđariid, ja ahte sáhttet nu jođánit go vejolaččat fievrriduvvot. Ráđđehus evttoha dál juolludit 20 miljovnna ruvnno liigeruhtan heahtegearggusvuođafondii, dadjá Eanandoallu- ja biebmoministtar Olaug Bollestad preassadieđáhusastis.
Manná heajut guvlui
Stáhtaráđđi lea čuvvon guohtunroasu, ja oaidnán ahte lea heajus guvlui mannan. Šaddá dađis váddásat bohccuide gávdnat borramuša. Maŋemuš raporttat boazoealáhuseiseválddin čájehit ahte heahtedilli sáhttá bistit cuoŋománo- miesemánnui álgui.
Erenomáš váttis dilis
Veahkehan dihti boazosápmelaččaid mat dál leat erenomáš váttis dilis, ja vuoi lea buorre elliidčálgu ja boahtteáiggi buvttadeapmi de ovddida Ráđđehus otne evttohusa Stuorradiggái, čállá Eanandoallo- ja biebmodepartemeanta preassadieđáhusastis.
