Jus čakčat álggát oahpaheddjiidohppui, de lea vejolašvuohta sihkastit measta beali oahppoloanas.
Ráđđehus ja ovttasbargobellodagat, Gurut ja Risttalaš álbmotbellodat, áigot geahpidit ođđa studeanttaid máksámušaid.
Jus álggát oahpaheddjiidohppui čakčat, de sáhttá bealli du oahppoloanas sihkastuvvot.
Veahkehit studeanttaid
Eanemus ruđa ožžot sii geat čađahit oahpaheddjiidoahpu mii guoská 1.-7. luohkálaččaide, ja sii geat álget oahpaheaddjin davvi-Norgii.
– Ráđđehus ja ovttasbargobellodagat Gurut ja Risttalaš álbmotbellodat leat ovttaoaivilis vuođđudit ođđa ortnega mii veahkeha studeanttaid, geat váldet oahpaheddjiidoahpu viđa jagi badjel, máksit oahppoloana, dadjá máhttoministtár Torbjørn Røe Isaksen.
Sihkkot measta beali
Aitto oahppan oahpaheddjiin lea vejolašvuohta oažžut sihkkojuvvot 160 000 ruvnnu, mii lea sullii bealli oahppoloanas.
Dát ođđa ortnet lea sidjiide geat álget oahpuin 2017 čavčča ja daid jagiid maŋŋil.
Man olu ožžot sihkkojuvvot boahtá das makkár oahpaheddjiidoahppu čađaha, ja gos maŋit áiggi bargagoahtá oahpaheaddjin.
