Rabas beaivi buollinčáskadanstašuvnnain

Buollinsuodjalusvahkkus mii lea dál, sáhtát finadit buollinstašuvnnas geahččame movt buollinčáskadeaddjit barget. Doppe oahpat eanet buollimiid birra ja movt hehtte buollima. Rabas beaivvis čađahit vel gilvvuid ja guossit besset geahččaladdat čohkkat buollinčáskadanbiillas ja eará bargguid.

Dáin buollinstašuvnnain lea rabas odne dii 14 rádjái:

Álttás, Bearralvágis, Hammerfeastas, Honnesvágis, Kárášjogas, Girkonjárggas, Deanus ja Čáhcesullos. Várggáin lea diimmu guhkit rabas, dii 15 rádjái.