Politiija sihkarvuođabálvalus (PST) rievdada dál terroráittadási alla njealját dásis muttolaš goalmmát dássái.
Terroráittadássi rievdaduvvo go dilálašvuohta maŋŋel falleheami geassemánu 25. beaivvi lea eambbo čielggaduvvon, ja doaibmabijut leat biddjon, čállá PST iežaset neahttasiidduin.
Terroráittadássi 3 mearkkaša ahte ovtta dahje eambbo aktevrrain sáhttá leat dáidu dahje áigumuš čađahit terrora Norggas.
Maŋŋel báhčima geassemánus rievdadii PST terroráittadási njealját dássái. Duogáš lei go balle ahte plánejuvvon dáhpáhusat čadnon báhčimii Oslos sáhtte čuovvut, ja ahte lei vejolaš inspirašuvdnačuozahus.
