Postnord Norge dáhttu buot 430 bargi virgelobis bargui miessemánu 4. beaivvi.
Garra lassáneapmi neahttagávppašeamis ja eambbo aktivitehta buvddain dagaha ahte leat eambbo gálvobuktimat.
– Norga lea rahpaseamen fas, das ii leat eahpádus. Mii dáhttut buot bargiid geain lea virgelohpi bargagoahtit fas. Mis lea dál stuorát gálvojohtu go seamma áiggis 2019:s, dadjá hálddahuslaš direktevra Robin Olsen preassadieđáhusas NTB:i.
Postnord dieđiha ahte lassáneapmi neahttágávppašeamis ja gávppašeapmi buvddain dagaha ahte gálvobuktin lea stuorát go koronapandemiija ovdal.
