Politiijat leat váidán almmáiolbmuid sihke Kárášjogas ja Álttás dán ija.
Lávvordaga beaivet bissehedje Finnmárkku politiijat almmáiolbmo Kárášjogas ja leat váidán 20-jáhkasačča go navdo gárrenoaivvis vuodján.
– Buot dárbbašlaš iskosat leat sihkkarastojuvvon, čállet Finnmárkku politiijat X:s.
Álttás
Bealviđa áiggi sotnabeaivvi iđida leat politiijat váldán gitta 20-jahkásaš almmáiolbmo Álttás veahkaválddálašvuođa maŋŋel. 30-jahkásaš almmái dolvojuvvui bahkadasdoaktára lusa iskosii ja dikšumii. Politiijat leat álggahan ášši ja dutkama.
Kvártta váile guđas sotnabeaivvi iđida ožžo politiijat dieđu sisagaikunalárpma birra buvddas Álttás. Politiijat gávdne buvddas 20-jahkásaš albmá gii lei gárremiin. Son jearahallojuvvo beaivvi mielde.
05:52 bođii diehtu X:s ahte politiijat leat bissehan biilla Álttá guovddážis maŋŋel go leat oaidnán ártegis vuodjima.
– 20-jahkásaš vuoddji orui gárremiin. Buot dárbbašlaš iskosat leat sihkkarastojuvvon. Ášši álggahuvvo, čállet Finnmárkku politiijat X:s.
