Romssa politiijat dieđihit ahte guđátlot-jahkásaš čuoigi gii lávvordaga láhppui Sálliris, ii leat vel gávdnon. Dál navdet politiijat su jápmán.
– Mii leat medisiidnafágalaš árvvoštallama dahkan, ja mii jáhkkit ahte ii leat doaivva šat gávdnat guđátlot-jahkásaš albmá heakkas, dieđihii politiija preassakonferánssas disdaga eahkesbeaivvi.
Politiijat dieđihit ahte lea stuora muohtauđasvárra guovllus ja máŋga uđđasa leat mannan. Politiijat leat geavahan helikoptera ja drona ohcamis.
Dál plánejit politiijat eanet ohcamiid Sálliris ja dan guovllus gos uđđasat leat mannan.
(©NTB)
