Eai goassege ovdal leat Norgga politiijat guoddán vearjjuid nu guhká go dál.
Norgga politiijat vearjuduvvojedje gaskaboddosaččat maŋŋel Pride-báhčimiid Oslos geassemánu 25. beaivvi 2022 čuovganeapmái.
Politiijadirektoráhtta duođašta NTB ođasdoaimmahahkii ahte loahpahit vearjudeami vuossárgga. Dat dáhpáhuvvá maŋŋel go Politiijaid sihkkarvuođabálvalus (PST) árvvoštallá terroráitaga Norgga vuostá «moderáhtan» ii ge šat «duođalažžan».
– PST árvvoštallá ahte áittagovva lea dábálaš ja dalle eat šat deavdde láhkavuođu vearjudit politiijaid beaivválaš bálvalusas, lohká politiijadirektevra Benedicte Bjørnland.
Norgga politiijat leamaš vearjuduvvon gaskaboddosaččat lagabui 240 beaivvi. Nu guhkes áigodaga eai leat guoddán vearjjuid dan rájes go ledje vearjuduvvon 2014-2016 rádjái, čállá Politiforum mii dieđihii vuosttažin ahte politiijat bidjet eret vearjjuid dán vurrui.
(©NTB)
