Diehtobearráigeahčču váldá ášši hui duođalaččat.
Bergensaviisa čálii gaskavahku IT-boasttuvuođa maid Norgga valáštallanlihttu dagai go 3.2 miljovnna miellahtu persovnnalaš dieđut ledje almmolaččat neahtas. Persovnnalaš dieđut guske Norgga valáštallanlihtu valáštalliide, hárjeheddjiide ja jođiheddjiide. Dieđut ledje almmolaččat badjel 80 beaivvi.
– Norgga valáštallanlihttu šálloša dáhpáhusa, muhto mii eat oainne vuos lea go dan dáhpáhusas leamaš váikkuhus dainna lágiin ahte leat leamaš almmolaččat dahje leat go dieđut leavvan, muitala NIF Digital jođiheaddji Pål Kristen Rønnevik, Bergensaviisi.
Valáštallanlihttu bissehii sisabeassama neahttasiidui juovlamánu 18. beaivvi diibmá. Guokte mánu ledje persovnnalaš dieđut, nu go miellahtuid namat, čujuhusat, e-boastačujuhusat, telefovdnanummarat, agit ja servviid gullevašvuođat almmolaččat. (©NTB)
