Sátnejođiheaddji ja rektor leaba vuolláičállán šiehtadusa mii galgá suohkana ja universitehta veahkehit joksat oktasaš ja goabbat mihtuid.
Sátnejođiheaddji ja rektor leaba vuolláičállán šiehtadusa mii galgá suohkana ja universitehta veahkehit joksat oktasaš ja goabbat mihtuid.
Oktasaš mihttu mii Romssa suohkanis ja Romssa universitehtas lea nannet gávpoga árktalaš oaivegávpogin. Bealit galget maid ovttasbargat dutkama ja praksisiin studeanttaide. Sii háliidit láhčit buoret dili gávpoga studeanttaide.
– Lean hui ilus go leat ožžon šiehtadusa sadjái. Mis ja universitehtas leat olu ovttalágan mihtut ja doaimmat. Dát šiehtadus veahkeha goappaš ásahusaid čoavdit servodatbargguid boahtteáiggis, lohká sátnejođiheaddji Kristin Røymo.
Rektor lea maid duhtavaš
– Viimmat leat vuolláičállán šiehtadusa. Gávpot ja universitehta leat goappašagat dehálaččat nubbái. Máhttohusken lea maid dehálaš, lohká Anne Husebekk.
Sátnejođiheaddji oaivvilda ahte lea dehálaš šiehtadus, go dat nanne Romssa ovdáneami.
– Vai Romsa galgá geasuheaddji, de lea máhttohuksen hirbmat dehálaš. Danne lea suohkanii nu dehálaš ovttasbargat universitehtain, lohká Røymo.
– Mii áigut ovttas nannet Romssa árktalaš oaivegávpogin, lasiha Husebekk.
