Bealli Sámedikki jienastuslogus jienastedje ovdagihtii, ja dat lei stuorimus ágga go lei buoret jienastanproseanta go ovdal.
Bealli Sámedikki jienastuslogus jienastedje ovdagihtii, ja dat lei stuorimus ágga go lei buoret jienastanproseanta go ovdal.
70,3 proseantta Sámedikki jienastuslogus jienastedje dán jagáš sámediggeválggas.
Sullii bealli sis geavahedje vejolašvuođa ovdagiihii jienastit, ja dat dagahii ahte ledje eanebut geat jienastedje go 2013:s.
Dan dieđiha Statistihkalaš Guovddašdoaimmahat (SSB).
Lulde deháleamos
Loguin, maid SSB almmuha, čájehuvvo ahte Lulli-Norgga sápmelaččat ledje áŋgirepmosat ovdagihtii jienastit, go 75 proseantta jienasteddjiin doppe jienastedje ovdagihtii.
Jus buohtastahttá Ávjovári ja Nuorta-guovllu válgabiiriiguin, de ledje doppe dušše 38 proseantta geat jienastedje ovdagihtii.
Dievddut eanas
SSB maid dieđiha ahte dievdoolbmuid lohku lassánii sámediggeáirasiid gaskkas.
Viesttermearas lei dušše okta nissonolmmoš gii beasai Sámediggái dan viđá sajis mat sis leat Sámedikkis, ja olles njeallje dievddu.
Sii čállet maid ahte dušše guovttis Bargiidbellodaga sámediggeáirasiin leat nissonolbmot.
