– Danne leat mearridan ahte maiddái 2019:s fállat ovdakurssa matematihkas, dadjá dutkan- ja alitoahppoministtar Iselin Nybø.
Dán rádjái lea ovdakursaortnet dagahan ahte 470 ohcci, geat muđui eai livčče beassan vuođđoskuvlaoahpaheaddje- ja lektorohppui, dál kvalifiserejuvvojit dasa.
– Danne leat mearridan ahte maiddái 2019:s fállat ovdakurssa matematihkas, dadjá dutkan- ja alitoahppoministtar Iselin Nybø preassadieđáhusas.
Liigevejolašvuohta
2016 čavčča rájes rievdadii ráđđehus sisabeassangáibádusa oahpaheaddjeohppui nu ahte fertii unnimusat árvosátni njeallje joatkkaskuvlla álkimus matematihkas. Ráđđehus háliidii addit sidjiide geat devdet daid eará gáibádusaid, muhto ii leat go golmmeš matematihkas, vejolašvuođa kvalifiseret sisabeassamii. Danne álggahedje ovdakurssa mii dán rádjái lea čađahuvvon golmma geardde.
– Dát doaibma lea dagahan ahte 470 ohcci dál kvalifiserejit sisabeassamii, mii lea mearkkašahtti lassáneapmi buriid studeanttaiguin riikka oahpaheaddjeoahpuide. Mii joatkit ain ovdakurssain dán jagi vai studeanttat, geain golmmeš lea matematihkas joatkkaskuvlla dásis, maid sáhttet kvalifiseret oahpaheaddjeohppui, dadjá Nybø.
