Internationála nieiddaidbeaivi galgá leat veahkkin čájehit daid váttisvuođaid maid nieiddat vásihit, mat hehttejit nieiddaid ollašuhttimis sin vuđolaš rivttiid dego suodjalusa, skuvlavázzima ja vejolašvuođa beassat eret geafivuođas.
Internationála nieiddaidbeaivi galgá leat veahkkin čájehit daid váttisvuođaid maid nieiddat vásihit, mat hehttejit nieiddaid ollašuhttimis sin vuđolaš rivttiid dego suodjalusa, skuvlavázzima ja vejolašvuođa beassat eret geafivuođas.
ON váldočoahkkin čálii resolušuvdnii ahte investeret ja nannet nieiddaid ámmáha lea mearrideaddji jus áigu jávkadit geafivuođa máilmmis.
Beaivi ávvuduvvui vuosttaš háve 2012:s, lea čállun ON neahtasiiddus.
Nieiddat geafimusat
Nieiddat leat dat geafimusat, ja leat unnit nieiddat go gánddat geat čađahit vuođđoskuvlla, nieiddat maiddái vásihit eambbo veahkaváldima sin sohkabeali dihtii ja olu eambbo nieidamánát go gándamánát jápmet ovdal go ledjet deavdán vihtta jagi.
Geafivuohta ja váilevaš friijavuohta fievrriduvvo
Geafivuohta ja váilevaš individuella friijavuohta fievrriduvvo nissonsohkabuolvvas nissonsohkabulvii.
Ovddeš náitaleamit, seksuála rihkkumat skuvllas ja eahpeduohta oaidnu nieiddasohkabeallái dávjá bisseha nieiddaid beassat vázzimis skuvlla.
Addit seamma vuoigatvuođaid
Seammadássásašvuohta lea vuođđoolmmošvuoigatvuohta. Lea sáhka addit goappašat sohkabeliide seamma vuoigatvuođaid ja vejolašvuođaid mearridit iežaset eallima badjel.
Ahte nissonolbmot ožžot fálaldagaid dego oahppu, dearvvasvuođabálvalusaid, barggu ja juridihkalaš vuoigatvuođaid, dat lea dárbu jus áigu ovddidit riikka.
