Sámedikki jienastanlogu vuođul ii leat Oslo stuorámus sámi suohkan Norggas. Dalle ferte geahčestit Finnmárkui.
– Ollugat leat gullan ahte Oslo lea riikka stuorimus sámi suohkan. Dat soaitá leat riekta, muhto sámedikki jienastanlogus leat dušše 848 olbmo geain lea čujuhus Oslos, ja 1400 olbmo Kárášjogas ja 1580 olbmo Guovdageainnus, muitala Sámedikki válgamielbargi Kjell Olav Guttorm Klassekampenii.
Ollugat dieđihan jienastuslohkui
Maŋemus áiggiid leat ollugat dieđihan iežaset jienastanlohkui, mii lea olahussan.
16 958 olbmo leat dieđihan iežaset sámedikki jienastanlohkui, ja besset jienastit čavčča sámedikkeválggain.
Maŋemus jagis leat birrasii 1500 ođđa olbmo dieđihan iežaset jienastuslohkui, ja Guttorm muitala dat lohku lea hui allat.
(©NTB)
