Sohkabeliid erohusat jienasteami oktavuođas bissot stáđisin, ain leat eanemus nissonat geat jienastit gurutbeallai. 70 proseantta Sosialisttalaš gurutbellodaga jienasteddjiin leat nissonolbmot.
Sohkabeliid erohusat jienasteami oktavuođas bissot stáđisin, ain leat eanemus nissonat geat jienastit gurutbeallai. 70 proseantta Sosialisttalaš gurutbellodaga jienasteddjiin leat nissonolbmot.
51 proseantta nissoniin jienastedje Bargiidbellodaga, Guovddášbellodaga, Sosialisttalaš Gurutbellodaga dahje Ruoksada mannan stuorradiggeválggain.
53 proseantta dievdduin ges jienastedje Olgešbellodaga, Ovddádusbellodaga, Gurutbellodaga dahje Risttalaš álbmotbellodaga, čájehit gaskaboddosaš bohtosat válgadutkamis.
Dát mearkkaša ahte sohkabeliid erohusat jienasteami oktavuođas bissot stáđisin, čállá Statistihkalaš guovddášdoaimmahat.
Guovddášbellodagas dássedat
Masá 70 proseantta Sosialisttalaš gurutbellodaga jienasteddjiin leat nissonolbmot, ja juohke guđát Ovddádusbellodatjienasteaddji ges lea dievdoolmmoš.
Guovddášbellodat lea dat bellodat gos leat unnimus erohusat sohkabeliin, bellodagas leat seamma olu nisson- ja dievdojienasteaddjit.
Geasuha nuoraid
Jus geahčada agiid, de čájehuvvo ahte birasbellodagat Sosialisttalaš Gurutbellodat, Ruoksat, Miljøpartiet de grønne ja Gurutbellodat geasuhit nuoramus jienasteddjiid.
Ovddádusbellodat ja Olgešbellodat ges geasuhit eanemus boarrásiid.
