-Almmuhus-
-Almmuhus-
OĐĐASAT Orohat ávžžuhii skohtermáđijaid giddet – gielda čuovvolii

Orohat ávžžuhii skohtermáđijaid giddet – gielda čuovvolii

-

-

Orohat 9 Čorgas lea gáibidan giddet gaskaboddosaččat vihtta skohtermáđija Deanu gielddas.

Deanu gielda lea ožžon ávžžuhusa orohat 9 Čorgasis giddet máŋga skohtermáđija Deanu gielddas gaskaboddosaččat.

Ággan lea ahte lea heajos guohtun ja sivvan dasa galget leat maŋemuš áiggi dálkkit.

 

Gielda čuovvolan

– Orohat lea sádden ohcamuša gaskaboddosaččat giddet skohtermáđijaid Finnmárkku fylkamánnái, muhto heajos dili dihtii de lea orohat dáhtton gieldda giddet máđijaid seammás ja Deanu gielda lea čuovvolan dan, čállá Deanu gieldda.

Deanu gielda lea čuovvolan orohaga ja lea gidden máđijaid golmma vahkkui nu go orohat lea dáhtton.

 

Gidden guoská dáid máđijaide:
3A. Fanasgieddi–Gurteluoppal
4.  Hillágurra–Liŋkonjávri
5.  Máskejohka–Stuorra Ilis
6A. Bonjákas–Geassájávri
8.   Stuorrajohka–Stuorra Ilis (Ii lean rahppon álgovuorus)

-Almmuhus-