Ávvir lea Offroad Finnmark gilvvuin čuvvon muhtin joavkkuid mat bohtet sámi guovlluin. Dás oainnát mo birgejedje. Olusat šadde botket gilvvuid, iešguđet sivaid geažil.
Dás oainnát mo dat joavkkut maid mii čuovuimet, birgejedje dán jagáš Offroad Finnmark gilvvuin.
Offroad 300 Ekspressgruppen ja Turgruppen:
4. Sirma IL – 370 (of300)
Stein Joks (48) ja Henrik Arntzen Joks (17) joavddaiga mollii Áltái diibmu 15.20 bearjadaga ja gárttaiga 4. sadjái almmáiolbmuid luohkás. Soai ádjáneigga 21 diimmu ja 20 minuvtta.
1. Team Rakafant & Rakel – 304 – mix (of300)
Bjørnar Aronsen (27), Kim Eirik Holmgren (30) ja Rakel Birkeli (21) jovde mollii badjelaš diibmu 17.00 bearjadaga ja vuite seaguhuvvon joavkkuid luohkás. Sii ádjánedje 23 diimmu ja 6 minuvtta.
22. Team Binges Cykleklubb 2 – 359 (of300)
Kjell Roger Hætta (41) ja Bjørn Malin (55) joavddaiga mollii diibmu 00.09 ja gárttaiga 22. sadjái. Soai ádjáneigga 30 diimmu ja 9 minuvtta.
23. Team 355 (of300)
Ole Heljar Smelror (30) ja Nijlas I. J. Eira (32) joavddaiga mollii diibmu 00.14 lávvardaga ja gárttaiga 23. sadjái. Soai ádjáneigga 30 diimmu ja 14 minuvtta.
32. Team Opptreningssenteret i Finnmark – 340 (of300)
Nils Jovnna Meløy (40) ja Martin Persson (30) joavddaiga mollii diibmu 04.13 lávvardat čuovganeapmái, soai gárttaiga 32. sadjái. Soai ádjáneigga 34 diimmu ja 13 minuvtta.
33. Team Polmak – 317 (of300)
John Njarga (48) ja Gøran Stenseth (44) joavddaiga mollii diibmu 05.14 ja gárttaiga 33. sadjái. Soai ádjáneigga 35 diimmu ja 14 minuvtta.
38. Team Beazedievva MTB – 322 (of300)
Geir Jøran Sara (44) ja Per Aune Buljo (44) joavddaiga mollii 09.07 lávvardat iđida ja gárttaiga 38. sadjái. Soai ádjáneigga 39 diimmu ja 7 minuvtta.
39. Rema 1000 Lakselv – 381 (of300)
Robin Øvervold (21) ja Robert Øvervold (43) joavddaiga mollii diibmu 09.27 lávvardat iđit ja gárttaiga 39. sadjái. Soai ádjáneigga 39 diimmu ja 29 minuvtta.
Sámi Xtreme – 391 (of300)
Odd Iver Sara (50) ja Leif Anders Bongo (49) leaba duolbman 270 kilomehtera ja leaba dál 58.sajis. Sudno maŋábealde ii leat oktage, ja ovddabealde lea okta joavku mii ii leat vel joavdan mollii.
Botkejedje:
Team Binges Cykleklubb 1 – 358 (of300)
Sindre Murud (47) ja Jip Mulder (41) botkiiga gilvvuid go leigga sihkkelastán 206 kilomehtera, dalle leigga 48 sajis.
Team JarleBoine/Jakobsen – 371 (of300)
Tom Hugo Paulsen (39) lea gaskkalduhttán Šuoššjávrris, Alice Balto (37) ges botkii Gárggoluobbalis. Ruth Cecilie Jakobsen (28) jotkkii gilvvu, muhto ii gártta guđe ge sadjái, oažžu dušše duođaštusa ahte lea čađahan gilvvuid jus joavdá mollii.
Team Pitstop Kautokeino – 353 (of300)
Leif Åge Hætta (50) ja Nils Johan Vars (43) leaba maiddái bártidan sihkkelin, ja mearrideigga geassádit gilvvuin Šuoššjávrris. Soai leigga duolbman 151 kilomehtera ja leigga 73. sajis.
Karasjok Sykkelklubb – 369 (of300)
Jonas Gulsrud (38) ja Kato Norvang (41) šattaiga botkiiga maŋŋel 55 kilomehtera.
Sirma IL – 324 (of300)
Ole Henrik Somby (28) ja Ole Georg Pettersen (32) šattaiga árrat botket.
Team Sirma Queens – 373 (of300 – nissonat)
Martine Joks (19) šattai botket ja Sirin Strand (28) jotkkii 315 joavkku mielde.
Offroad 700 Ekspressgruppen ja Turgruppen (20 joavkku):
Team Luostejok Kraftlag – 703 (of700)
Tor Arne Boland (47) ja Steffen Linder (33) botkiiga gilvvu go leigga duolbman 603 kilomehtera, dalle leigga 4. sajis.
Team OP Elektro – 701 (of700)
Lars Harald Blomkvist (41), Trond Olsen (51) ja Anders Røkenes (37) botkejedje gilvvu go ledje duolbman 548 kilomehtera, dalle ledje 9. sajis.
