Politiijaid ođđa logut čájehit ahte riikadásis de lei 9578 biilavuoddjis promilla 2021:s. Dat lea seamma go 26 váidojuvvon gárrendillevuoddji juohke beaivvi.
Buohtastahtton 2020:in, de lea njiedjan 790:in oktiibuot. Finnmárkku politiijaguovllus váidojuvvojedje 232 olbmo. Lea njiedjan 17 olbmuin buohtastahttojuvvon ovddit jagiin.
Ahkejoavku 25-34 leat vearrámusat, ja dasto čuovvu ahkejoavku 35-44. Ovcci logi olbmos geat váidojuvvojit leat almmáiolbmot.
– Lea balddihahtti go ollesolbmot eai smiehta váikkuhusaid go vudjet gárrendilis. Maŋimuš golmma jagis leat 84 olbmo duššan johtolagas gárrendillevuodjima dihtii. Olusat sis leat sivaheamet, geat duššet go nubbi lea váldán dohkketmeahttun mearrádusa, dadjá MA – Rusfri Trafikk generálačálli Elisabeth Fjellvang Kristoffersen.
