Kárášjoga gielda čállá iežas neahttasiiddus ahte dál leat olu ealggat geainnuid lahka Kárášjogas.
Erenomážit lea várra dáid geaidnoguoraid:
E6 Kárášjoga guovddážis vulos Deanuleagi (Deanugeaidnu).
Rv92 Kárášjoga guovddážis Dorvonjárgii (Suomageaidnu).
Rv 92 Kárášjoga guovddážis Guovdageainnu guvlui Iešjoga šaldi rádjai (Ávjovárgeaidnu).
Sii ávžžuhit buot vuddjiid vuodjit várrogasat.
Lihkohisvuođa dahje bártti oktavuođas sáhttá dát muitolistu leat veahkkin:
Oaččo bajilgova vejolaš roasmmohuvvan olbmuin, ja atte heahteveahki.
Riŋge 113:i jos lea dárbu veahkkái ovttatmano.
Riŋge Politiijai 02800:s ja dieđit lihkohisvuođa birra.
Politiijat dieđihit viidáset ohcanbargiide. Čilge báikki ja gos leat nu dárkilit go vejolaš, ja merke báikki gos leat vuodján ealgga njeaiga.
