Finnmárkku politiijat lea šaddan gieđahallat iešguđet áššiid mannan eahkeda ja iđitija.
Deanus lea johtolatpolitiijat ikte čađahan leaktodárkkisteami Deanus Hilláguras ja logis sáhkkohalle go lea leamaš menddo alla leaktu.
Guovllus lea leaktorádji 80 kilomehtera diibmui, johtolatpolitiijat mihtidedje ovtta vuoddjis 100 kilomehtera diibmui, dieđihit Finnmárkku politiijat.
Massi kajakka
Okta olmmoš lea massán iežas kajakka Mázejohkii. Suinna manná bures, muhto su kajakka lea jávkan.
Politiijat dieđihit ahte lea eahpesihkar makkár ivdni dan kajakkas lea.
Rihkkon riikarájálága
Ikte eahkedis rasttildii 25-jahkásaš almmái rájá Ruššii Badje-Beahceveaji bokte ja son lea rihkkon riikarájálága.
Son lea dohkkehan sáhku, dieđihit Finnmárkku politiijat.
