Loga maid Finnmárkku politiijat leat dán ijá hommen.
Áltá
19:38: Politiijat čađahedje johtolatdárkkisteami báikkis gos rádji lea 70 km/d. Guovttis sahkkohalle, ja alimus leahttu lei 78 km/d.
00:34: Okta olmmoš rigerii vávttain olgobáikkis márkanis. Politiijat gevre olbmo eret márkanis, ja olmmoš ii beassan boahtit márkanii ovdal dii. 08:00.
05:30: Politiijat ožžo dieđu feastarieja birra guovddážis. Politiijat vulge báikái ja loahpahedje feastta.
Báhcavuotna
23:49: Doarrun olgobáikkis. Ledje sullii 10-15 olbmo mat dorro. Politiijat dieđihit ahte ášši mii dagahii doarruma lei okta dievdoolmmoš gii lei fásttit láhtten nissonolbmo vuostá. Sii geat dorro gevrejuvvo eret báikkis, ja eai beassan boahtit ruovttoluotta ovdal 08:00.
Kárášjohka
19:32: Politiijat ožžo dieđu ahte nuorat oaguhedje ealgga skuhteriin. Politiijat dieđihit ahte dutkagohtet ášši.
Girkonjárga
00:56: Okta nuorra almmai gevrejuvvui eret olgobáikkis. Dakka maŋŋil gizzui son buollinráidalasas bajás vuoi galggai fas beassat sisa. Politiijat oidne albma, ja gevre su eret márkanis gitta dii. 08:00 rádjái.
01:01: Seamma almmái bođii ruovttoluotta olgobáikái ja áiggui hupmat vávttain. Almmái áššáskuhtto go lei rihkkon politiija gohččuma.
03:01: Guokte nuorra dievdoolbmo gevrejuvvuiga eret guovddážis gitta dii. 08:00 rádjái go rigeriiga nuppi nubbin. Ovttain dáin lei maiddái rigeren olgobáikkis.
Čáhcesuollu
02:57: Politiijat gevre guokte nuorra dievddu eret guovddážis gitta dii. 08:00, go stoagaiga doarruma.
05:11: Politiijat bissehedje biilla man nuorra dievdu lei vuodjime. Promillageahččaleapmi čajehii ahte son lei oaivvis. Politiijat duoguštedje albma vuodjinkoartta, ja almmái áššaskuhtto.
Hámmerfeasta
04:47: Biilavuoddji dieđihan politiijaide ahte 5-6 nuorra bártni bissehedje luotta, ja háliidedje sáhtu oaččut. Politiijat dieđihedje ahte áigo fitnat báikkis.
