Oljofoanda lea geatnegahtton vuovdit investeremiid Ruoššas, muhto dan ii leat vejolaš dahkat dál, dieđiha Norgga Báŋku reivves Ruhtadandepartementii.
– Norgga Báŋku háliida ovttas departemeantta mearrádusain vuovdit buot foandda investeremiid Ruoššas, muhto márkana ja viiddis ráŋggáštusaid dihtii ii leat vejolaš álggahit vuovdima dál, čállá Norgga Báŋku reivves.
Sii máhccet ruovttoluotta departemeantta ávžžuhussii go márkanat fas doibmet dábálaččat.
– Mii boahtit čađahit evttohusa ja vuovdima dalá ráŋggáštusaid ja foandda beroštumiid ektui. Vuovdin ferte geavvat áiggi badjel, čuožžu viidáset.
2021 loahpas lei foandda oasusinvesteren Ruoššas sullii 27 miljárdda ruvnnu, dieđiha Norgga Báŋku.
