Studeanttaid mentála dearvvašvuohta ja loaktin lea guovddážis TIFF, UiT, Samskipnaden ja Studentparlamentet ođđa ovttasbarggus. Dát čalmmustahttojuvvo UiT Romssa universitehtas skábmamánu 21. beaivve, gos studeanttat maid besset boradit ovttas – áibbas nuvttá.
– Min mielas lea buorre go kulturfálaldat biddjojuvvo olámuddui studeanttaide, dadjá Studeantaparlameantta jođiheaddji, Jonas Toft.
Nationála Studeanttaid Dearvvašvuođa- ja birgeniskkadeami (SHoT) bokte lea studeanttaid ovdáneapmi duođaštuvvon máŋgga jagi badjel. Vaikko eanas studeanttain lea buorre dilli, de leat ollugiin hástalusat.
– Sis geat fitnet kinos ja teáhteris lea dávjá unnit riska oažžut deprešuvnna, ja ođđaset dutkamat čájehit ahte filbma sáhttá unnidit huša. Danin mii oaidnit dán ođđa ovttasbarggu earenoamáš vejolašvuohtan fállat sihke kultuvrra ja searvevuođa min studeanttaide, dadjá UiT prorektor oahpahusas, Kathrine Tveiterås.
