Norgga filbmadáidda lea fas čalmmustuvvon riikkaidgaskasaččat, dán háve go lea sihkkarastán bálkkašumi árvvusadnojuvvon Waterloo Historical Film Festivalis 2023 mii lágiduvvui Belgias golggotmánu 12.-15.beaivái.
Festivála, mii juohke jagi geasuha máŋggalágan historjjá- ja filbmačehpiid miehtá máilmmi, lea dohkkehan «Ellos eatnu – La elva leve» filmma leat mearkkašahtti buvttan historjjálaš filbmadáidagii.
Waterloo Historical Film Festivála jurys leat garra gáibádusat. Jury gáibida historjjálaš dárkilvuođa ja filbmaduojis galgá leat alla dássi. Dán geažil lea nammaduvvot vuoitin «Best Movie Clion Award» bálkkašumis hui erenoamáš olahus ja dohkkehus dan erenoamáš bargui mii lea biddjojuvvon buvttadit filmma.
Filbma lea ovdal vuoitán bálkkašumiid eará riikkaidgaskasaš festiválain, ja dát bálkkašupmi lea lassin daid ovddeš bálkkašumiide, stuora gudnebálkkašupmi Giæverii ja su filbmii.
