Sávzavahágat boraspireiiddihte lea niedjan 21 proseanttain diimmá ektui, dieđiha Dálkkádat-ja birasdepartemanta.
Vahátlohku lea vuolemus mii lea dieđihuvvon dan rájes go registreregohte 2002:s.
– Mun lean hui duhtavaš go logut nidjet das galle sávzza leat massán boraspirii. Ráđđehusa mihttu lea ceavzilis guohtunealáhus. Seammás galgat mii sihkkarastit ceavzilis boraspirenáliid. Mii nagodit goappáge mihtu, mii čájeha ahte min boraspirepolitihkka doaibmá, dadjá dálkkádat-ja birasministtar Sveinung Rotevatn.
Borgemánu 1. beaivve 2020 rádjái leat dieđihuvvon 499 jápmán sávzza mat leat duođaštuvvon boraspirevahágin. Vahágat guovžža geažil lea beliin unnon diimmá ektui. Oppalaš massinlohku lea vuolimus mii lea dieđuhuvvon.
