Ollu sámiin lea sohkardávda, ja muhtin báikkiin lea dego rohttu (epidemiija), čájeha stuora eallindilleiskkadeapmi mii lea čađahuvvon Sámi ja Davvi-Norgga álbmogis. Ii okta ge dieđe manne lea nu.
Ollu sámiin lea sohkardávda, ja muhtin báikkiin lea dego rohttu (epidemiija), čájeha stuora eallindilleiskkadeapmi mii lea čađahuvvon Sámi ja Davvi-Norgga álbmogis. Ii okta ge dieđe manne lea nu.
Dearvvašvuođa- ja eallindileiskkadeapmi, man SAMINOR čađahii 2012:s gitta 2014:i, čájeha ahte muhtin suohkaniin gos sámit orrot, de lei logi proseantta dievdduin sohkardávda.
– Mii diehtit ahte sohkardávda nubbi sorta lea lassánan seamma leahtuin go ahte oarjemáilmmi biebmu lea lassánan ja mii čohkkát eanet jaska, ja ahte dievdduide boahtá dávda álkibut go nissoniidda. Seammás oaidnit beliid maid mii eat máhte čilget, muitala Ann Ragnhild Broderstad.
Ođđa iskkadeami čađahit
SAMINOR 3 lea ođđa iskkadeapmi masa badjel 30 suohkana servet.
– Dan vuođul go eat sihkkarit dieđe manne lea erohus sámi álbmogis daid eará suohkaniid ektui, de fertet guorahallat gávdnosiid sivaid. SAMINOR 3 lea maid gelddolaš ja dehálaš vai oažžut máhtu álbmotdearvvašvuođaprofiillas máŋggakultuvrralaš álbmogis davvin, muitala Broderstad diabetes.no siiddus.
