Guovdageainnu suohkan ohcá dievdduid ja giktalit bargguin ja vejolašvuođain váldit fágareivve.
Guovdageainnu suohkan ohcá dievdduid dearvvašvuođafágabargi-ortnegii «Menn i helse».
– Mii ohcat dál rávis dievdduid geat ohcet barggu ja geaidda fállojuvvo áidnalunddot vejolašvuohta váldit fágareivve dearvvašvuođafágabargin «Menn i helse» bokte, dieđiha suohkan suohkana neahttasiiddus.
Suohkan čilge ahte oahppu lea komprimerejuvvon ja heivehuvvon bargoohcci dievdoolbmuide, geat leat gaskal 25 ja 55 jagi boarrásat. Oasseváldit gohčoduvvojit dearvvašvuođarekruhttan ja oahpu vuolde ožžot NAV addosa ja bálkká suohkanis.
Jus jurddašat ahte dat soaitá heivet dutnje, de sáhtát searvat suohkana diehtojuohkinčoahkkimii. Diehtojuohkinčoahkkimis muitaluvvo oahpu, ekonomiija ja bargovejolašvuođaid birra. Ovddeš joavkkuid dearvvašvuođarekruhtat leat maid doppe. Sii juogadit iežaset vásáhusaid ja rávvagiid.
– Jus diehtojuohkinčoahkkima maŋŋel háliida searvat «Menn i helse» searvái, de bovdejuvvot jearahallamii. Maŋŋel jearahallama fállojuvvo heivvolaš oasseváldiide geain lea bargomokta vejolašvuođa šaddat dearvvašvuođarekruhttan ja searvat 12 vahku geahččalanáigodahkii, čilgejuvvo suohkana neahttasiiddus.
Eambbo dieđuid dan birra gávnnat Guovdageainnu suohkana neahttasiiddus.
