– Biilaberošteaddjit leat guhká háliidan dakkáriid, ja lean ilus go dál lea vejolaš diŋgot persovnnalaš šilttaid Norggas, muitala johtalusministtar Ketil Solvik-Olsen.
– Biilaberošteaddjit leat guhká háliidan dakkáriid, ja lean ilus go dál lea vejolaš diŋgot persovnnalaš šilttaid Norggas, muitala johtalusministtar Ketil Solvik-Olsen.
Geaidnodirektoráhtta lea mearridan ođđa láhkaásahusa mii dahká vejolažžan geavahit persovnnalaš biilašilttaid Norggas, ja geassemánu 15. beaivvi rájes beasat diŋgot dakkár erenoamáš šilttaid vegvesen.no siiddus.
– Ráđđehus áigu álkidahttit árgabeaivvi olbmuide ja rievdadit gildosiid. Ii lea dárbbašlaš gieldit persovnnalaš šilttaid, ja lea illudahtti go mii sáhttit fállat dan biilaberošteddjiide, lohká Solvik-Olsen.
Badjebáza manná johtolatulbmiliidda
Biilaeaiggádat sáhttet oažžut sierrarievtti logi jahkái hávális.
Dan ovddas šaddá máksit 9000 ruvnno, ja dat sisaboahtu galgá biddjot johtolatsihkarvuođadoaimmaide.
Biillat maidda sáhttá bidjat persovnnalaš dovdomearkkaid leat ain čadnon dábálaš šilttaide, duollu ja vearrodivadiid ektui ja jus olgoriikkas geavahuvvo.
Šilta ii ábut soardit
Leat muhtin rájit go áigu válljet bustávaid ja loguid šilttaide. Ii ábut leat dakkár mii soardá dahje vahágahttá ovtta ge.
Lea biilaeaiggát geas lea ovddasvástádus ahte válljejuvvon bustávvakombinašuvdna lea ortnegis dan bokte.
Sáhttá leat váttis automáhtalaččat lohkat persovnnalaš dovdomearkkaid. Dan dihte lea gáibádus ahte lea kombibrikka go leat dakkár šilttat.
