Davviriikkaid Ráđi Girjjálašvuođabálkkašupmi geigejuvvo odne, golggotmánu 31. beaivvi, diimmu 19.30 Oslos.
Das mielde evttohassan leaba Anne-Grethe Leine Bientie ja Bierna Leine Bientie noveallačoakkáldagain «Jeameme Mijjen luvnie jeala». Oktiibuot leat 14 girjji iešguđetge girjjálašvuođasuorggis evttohuvvon dán bálkkašupmái.
Ja maiddái Mari Ailonieida Sombán Mari ja Sissel Horndal leaba evttohuvvon «Arvedávgeriikii» mánáidgirjjin. Girji lea nammaduvvon sámi ássanguovllu evttohassan Davviriikkaid ráđi mánáid- ja nuoraid girjjálašvuođabálkkašupmái 2023.
Mary Ailonieida Sombán Mari lei maid diibmá evttohassan Davviriikkaid ráđi girjjálašvuođabálkkašupmái ollesolbmuide girjjiinis «Beaivváš mánát».
Bálkkašumis lea «Nordlys» bázzi ja 300 000 dánskka ruvnno. Dát lea geigejuvvon 1962 rájes. Dán háve geigendilalášvuhta lea Norgga Opera viesus, Oslos.
