Odin Nystad vuorbáduvvui mannan vahkku «Guollelihkku» gilvvu oasseváldiid gaskkas ja vuoitá oaggunstávrrá.
Ávvir lágida mánáide «Guollelihkku» nammasaš oaggungilvvu olles geasi gitta borgemánu 13. beaivái. Dan oktavuođas vuorbádit ođđa oaggunstávrávuoiti juohke vahku. 31. vahkku oaggunstávrra vuoitá ge 11-jahkásaš Odin Nystad. Son lea oggon Leavnnjajogas, Porsáŋggus, ja gottii sihke hávgga ja ruoššaluosa.
Odinii boahtá fargga poastta mielde páhkka man siste lea ođđa oaggunstávrá.