Oaggungilvu mas sáhttá vuoitit guliin maid doppe goddá, muhto maid vurbbiin maid leat vuovdán ovdal gilvvuid.
Pálbmasotnabeaivvi lea Dieváljávrris Kárášjogas oaggungilvu bearašbeaivvi oktavuođas mii bistá diibmu 12-17.
Skilleduorastaga diibmu 12-15 lea oaggungilvu Gorovuohpis, mii lea eanus vuođđoskuvlla buohta. Doppe lea Venor-gámme 12-14 sturrodagas váldovuoitun vuorbádeamis.
Guhkesbearjadaga diibmu 12-15 lea Vuollajogas Skuvvanváris Porsáŋggus oaggungilvu.
Guhkesbearjadaga lea maid oaggungilvu diibmu 12-15 Geassájávrris Deanu gielddas, mas stuorámus vuoitu vuorbádeamis lea Ski Doo Renegade 600 ACE -skohter.
Beassášlávvordaga lea Mázes oaggungilvu diibmu 11-13 eanu nalde rámbuvrra buohta. Doppe lea termalaš giikan váldovuoitun vuorbádeamis.
Cuoŋománu 13. beaivvi lágidit oaggungilvvu Gearddosjávrriin Álttá suohkanis, gos vuorbádit ges Ski Doo MXZ Neo+ 600 skohtera ja eará vuoittuid.
Cuoŋománu 20. beaivvi lea Láhpoluobbalis oaggungilvu, mas váldovuoitu vurbbiin lea 20 000 ruvdnosaš ruhtavuoitu.