Eatnašat vásihit áigodagaid goas eallin lea losit, ja váttisvuođat leat olu ja stuorrát. Ii leat álo nu álki gávdnat čovdosiid ieš, ja lea áibbas dábálaš ahte psyhkalaš hástalusat lossot jus daiguin galgá okto ráhčat.
DBS-joavku lea ovttasbargan Overvinne-veahkkebálvalusain, ja sii leat ráhkadan digitála veahkkeneavvu mas lea psykologalaš veahkkefálaldat. Áppas gávdná iešveahkkereaidduid, doarjaga ja ráđiid.
«Psykolog i lomma» (Psykologa lummas) lea áppa namma, ja dan leat dohkkehuvvon psykologat leamašan veahkkin ráhkadeame.
Boazodoalu DBS-joavkku kártenbarggut čájehit ahte badjeolbmot leat váillahan fálaldaga mii guoská psyhkalaš dearvvašvuhtii. Fálaldat galggašii njuovžil ja álki geavahit.
Go geavahat áppa, de eai oainne gii don leat ja buot dieđut leat čihkkon. Áppa gávdná dás: overvinne.no
