Sis-Finnmárkku diggegoddi lea virgádan Ragnhild Marit Sara ođđa duopmárfámolažžan.
Ragnhild Marit Sara lea 34 jagi boaris ja lea Mázes eret. 2010:s Son čađahii iežas juridihkalaš mastergráda Bergen Universitehtas.
Son lea ovdal bargan advokáhttafámolažžan/erenoamáš ráđđeaddin Finánsalihtus ja juridihkalaš ráđđeaddin sisabahkkenáššiiguin boazodoalloguovlluin, álgoálbmotrivttiin ja olmmošvuoigatvuođaiguin.
Sara duogáš
Ragnhild Marit Sara lea sámegielhálli, sus lea spesiálafága individuála bargorievttis, kollektiivvalaš bargorievttis ja internationála priváhtarievttis.
Son lea dasa lassin čállán masterbarggu «boazodoallošiehtadusa rievttálaš sisdoalus».
Saras lea riikkaidgaskasaš hárjáneapmi go lea oasálastán čoahkkimiin «FN Expert Mechanism on the Rights of Indigenous Peoples», «Human Rights Council» ja «Committee on Elimination of all forms of Racial Discrimination». Son lea dávjá jerron leat logaldallin álgoálbmotrievtti suorggis, čállá Sis-Finnmárkku diggegoddi preassadieđáhusas.
Sara álgá virgái borgemánu 21. beaivvi dán jagi.
