Konferánssa ulbmil lea ovddidit ja deattuhit rádjerasttildeaddji fitnodatovttasbarggu.
Nuorta-Finnmárkoráđđi ja Romssa ja Finnmárkku fylkkagielda leat ovttas Ohcejoga gielddain ja Lappi regiovnnain ásahan rádjekonferánssa mii deattuha fitnodatovttasbarggu rájiid rasta davvin.
«Crossborder business LAB» lea jurddašuvvon leat jahkásaš konferánsa mii galgá dollojuvvot iešguđetge suohkaniin mat leat Norgga ja Suoma ráji lahka. Konferánssa fáddá galgá rievddadit jagis jahkái.
Dán jagi konferánsa dollojuvvo Ohcejogas ja fáddán lea mátkeealáhus.
Konferánssa oktavuođas besset konferánsaoasseváldit fitnat ođđa hoteallas Ohcejogas mii lea okta dain stuorámus mátkeealáhusinvesteremiin Davvi-Suomas máŋgga jahkái.
Dasa lassin galgá konferánssa oktavuođas rahppot ođđa busserukto gaskal Vuonnabađa ja Avvila girdišilju, čállá Nuorta-Finnmárkkuráđđi preassadieđáhusas.
