Gaskavahkku boahtá ođđa ráđđehus Slottsplassenii vuosttaš háve.
Gaskavahkku boahtá ođđa ráđđehus Slottsplassenii vuosttaš háve.
Olu rievdadusat leat vuordimis go ođđa ráđđehus almmuhuvvo, ja stuorámus lea ahte Gurut fas lea oassin Norgga ráđđehusas.
Lea eambbo go 12 jagi áigi go Norgga boarráseamos bellodagas ledje stáhtaráđit.
Beaivvi mielde
Rievdadusat dáhpáhuvvet stáhtaráđis gaskavahkku, dieđihit olu mediat. Maiddái NTB oažžu dan duođaštuvvot disdaga.
Ráđđehusrievdadeamit dáhpáhuvvet beaivvi mielde, go máŋggas stáhtaráđiin galget Stuoradiggái.
Orru šaddame nu ahte sihke Olgeš ja Ovddádusbellodat masset ovtta stáhtaráđđepoastta. Seammás lasihuvvo okta ođđa.
Dasto mearkkaša dat ahte ráđđehusas leat 20 miellahtu, seamma go ruksesruoná ráđđehusas ledje gitta 2013 rádjái.
(©NTB)
