Ođđa Nationálamusea rahpan, mii huksejuvvo Vestbanetomttas Oslos, lea maŋiduvvon jahkebeale ja rahppo easkka 2021 giđa.
Sivva manin dat maŋiduvvo lea go guokte kritihkalaš buktaga prošektii leat maŋŋonan. Buktagat leat čadnon teknihkalaš rusttegiidda ja dárbbašlaš sihkarvuođauvssaide.
Rahpan lea danin maŋiduvvon jahkebeliin – 2020 čavččas 2021 giđđii. Nationálamusea direktevrra Karin Hindsbo mielas lea váivi go rahpan maŋiduvvo.
– Dat lea váivi. Leimmet illudan rahpat musea 2020 čavčča ja leimmet plánen dasa, dadjá Hindsbo.
