-Almmuhus-
-Almmuhus-
KULTUVRAOđđa indie­pop-lávlla sáme­gillii

Ođđa indie­pop-lávlla sáme­gillii

-

-

Bearjadaga juovlamánu 1. beaivvi, de almmuha nuorra, ovddolaš artista Lávre nuppi máisttu iežas boahttevaš skearrus. «Joavdan» -singel gullá «Sámi Indie» šáŋŋerii.

– Dát lávlla lea okta dain vuosttaš lávlagiin maid čállen skearrus. Luohti bođii munnje 2019:s go ledjen mátkkis Austrálias. In goassige vajálduhte dan dovddu, ahte álbmogat doppe, namalassii aborigiinnat, máŋgga dáfus ledje eanetlohkoservodaga oktasaš diđolašvuođa suoivvanis. Dat vásáhus lei viehka dehálaš mu iežan mátkái sámi iešáddejumiin ja identitehtain. Dat vásáhus čájehii hui bures mu dovddu go ledjen joavdan dakkár báikái eallimis mas ledjen ohcamin iežan geainnu, muitala Lávre rabasvuođain.

Ođđa lávlla, mii almmuhuvvo bearjadaga juovlamánu 1. beaivvi, hástala olbmuid duostat lávket iežaset eallima mátkái. Vaikke vel olmmoš dávjá láhppo geainnu alde ja šaddá olu oaffaruššat, de lea dat artistta oaivila mielde veara.

– De čielggai munnje ahte dál lei áigi guođđit muhtun osiid alddán vai sáhtán geahččat ovddasguvlui, ja álgit ráhkadit vuođđogeađggi dasa gii muhtin beaivvi galggan šaddat. Dál ii leat guhká vel ovdal go áiggun almmuhit vuosttaš skearru, ja mun dovddan ahte dát lea dehálaš lávki muhtunlágan ođđa álgui, loahpaha nuorra artista.

-Almmuhus-