Sámediggi álggaha ođđa giellakampánjja mánáide #SámásMánáin
Sámediggi bovde almmuhandoaluide skábmamánu 10. beaivvi Scandic Alta hoteallas. Sámediggepresideanta Aili Keskitalo rahpá almmuhandoaluid. Giellakampánjja ulbmil lea čuvgehit fáttá mii lea giellaválljen mánáide ja guovtte- ja máŋggagielalašvuohta. Giellaválljen ii soaitte álo nu álkes válljen, ja máŋggas vásihit čuolmmaid dan oktavuođas.
Sámediggi háliida oažžut váhnemiid dihtomielalažžan giellaválljema ektui, ja juohkit dieđuid, ávžžuhusaid ja doarjut váhnemiid.
Sámediggi ávžžuha olbmuid geavahit áinnas sin fáddágilkoriid sosiála mediain:#SámásMánáin #SámástaMánájn #SaemesthMaanine
