Borgemánu 12. beaivvi 2020 doaibmagohtet ođđa eavttut korona-iskosii.
Álbmotdearvvašvuođainstituhta (FHI) neahttasiiddus čuožžu ahte dál bohtet ođđa eavttut koronaiskosii. Eavttut rievdaduvvojit dasa ahte buohkat geat ballet sis lea koronadávda, sii besset váldit iskosa doaktára duođaštusa haga.
– Dál lea dehálaš ahte buohkat, geat ballet ahte sidjiide lea njommon covid-19 dávda dahje leat nuorvodávdamearkkat, besset iskosa váldit. Korona-iskkus lea nuvttá ja iskosa vástádusa sáhttá geahččat helsenorge.no siiddus beaivvi dahje guokte beaivvi maŋŋel go iskkus lea váldon, muitala sadjásaš dearvvašvuođadirektevra Espen Rostrup Nakstad.