Sámi dáidda, duodji ja kultuvra Sámis leat guovddáš fáttat.
Olles namma girjjis lea «Searvedoaibma: Art and Social Communities in Sápmi».
Sámi allaskuvllas, Guovdageainnus, almmuhuvvui girji iđitdiimmuin njukčamánu 26. beaivvi.
– Girji guorahallá ja čalmmustahttá áigeguovdilis hástalusaid mat sámi dáiddáriin leat dálá servodagas, dieđiha Sámi allaskuvls iežaset Facebook-siiddu bokte maŋŋá almmuheami.
Elisabeth Stubberud, Tuula Sharma Vassvik, Gunvor Guttorm, Iŋga Elisa Påve Idivuoma, Samuel Valkeapää, Erika de Vivo, Christina Hætta, Gry Fors Spein, Aslak Heika Hætta Bjørn, Jenni Laiti, Petra Laiti, Niillas Holmberg, Britt Kramvig ja Mathias Danbolt leat čállán artihkkaliid girjái.
Mathias Danbolt, Britt Kramvig ja Christina Hætta leat doaimmahan dán girjji. DIEĐUT muđui lea máŋggadieđalaš čálaráidu mas dutkanbohtosat leat almmuhuvvon 1974 rájes.
