John Savio bálkkašumi vuosttaš vuoiti lea dáiddár Geir Tore Holm, guhte váldá vuostá bálkkašumi ollislaš dáiddalašvuođas ovddas.
John Savio bálkkašumi vuosttaš vuoiti lea dáiddár Geir Tore Holm, guhte váldá vuostá bálkkašumi ollislaš dáiddalašvuođas ovddas.
John Savio bálkkašupmi geigejuvvo vuosttaš geardde jagis 2015, ja lea 150 000 ruvnno. Bálkkašumi ulbmilin lea oažžut fuomášumi sámi kultuvrra duogáš dáidagii, bálkkašumi vuoiti dáiddalašvuođa/barggu vuođul.
Bálkkašumi vuosttaš vuoiti lea Geir Tore Holm. Son lea oahppan govvadáiddár Kunstakademiijas Troanddimis, 1991-95.
Holm lea Romssa gávpogis riegádan ja bajásšaddan Gáivuonas. Dál son ássá ja bargá Ringstad doalus Skiptvedtas, Østfoldas, ovttas guimmiinis Søssa Jørgensenain, songe dáiddár.
Bálkkašupmi galgá addot dáiddárii geas lea sámi duogáš ja identitehta, guhte dáiddasuorggis lea erenoamážit fuomášuvvon Norggas, juogo erenoamáš prošeavttain maŋimuš áiggiid dahje juo su ollislaš dáiddabargguin.
– Čuolbmadahkki ja iskkadeaddji lahkonemiin dáiddalašvuođastis, oalgguha Geir Tore Holm ođasmahttit digaštallama sámi identitehta ja kultuvrra birra, čállá bálkkašumi jury dáiddára birra.
Jury ákkastallamis namuhuvvo erenoamážit su bargu loktet dihtomielalašvuođa sámi ja davvinorgga kultuvrra hárrái, ja dat nana mávssolašvuohta mii dás lea leamaš, ja bistá ain, oalgguhussan sámi dáiddáriid dađis ođđa buolvvaide.
John Savio-bálkkašupmi geigejuvvo juohke nuppi jagi, ja Bildende Kunstneres Hjelpefond ovttas Sámi Dáiddačehpiid Servviin ja Davvinorgga dáiddamuseain leat dán álggahan.
Bálkkašupmi geigejuvvo čakčamánu 3. beaivvi, Davvi-Norgga dáiddamuseas Romssas.
