Oarje-Finnmárkkus gal orro leamaš veahá jaskadat idja
Oarje-Finnmárkkus gal orro leamaš veahá jaskadat idja
Politiijat ainjuo eai dieđit nu máŋga dáhpáhusa leamaš mannan ija.
Biddjui giddagassii
Veahá bargu gal datte lei Oarje-Finnmárkku politiijain ge. Diibmu 02.36 dieđihii Finnmárkku politiijaguovlu twitter bokte ahte Álttá politiijat leat váidán muhtin albmá ja váldán su giddagassii, go ii doahttalan politiijaid ja guođđán gávpotguovddáža nu mo lei gohččojuvvon.
Guovttis fallehan
Guđa áigge iđđes dieđihedje ges politiijat ahte muhtin almmái ja nisu leigga fallehuvvon guoktásii.
Goappašagat leigga bávččadan ja dolvojuvvuiga doaktáriid háldui iskosiidda.
Politiijat dutket ášši.
