Sámi musihkkaguovddáš ja álgoálbmogiid filbmaguovddáš lágidit Ohcejoga nuoraide sámegielat dáiddaleairra.
Sámi musihkkaguovddáš ja álgoálbmogiid filbmaguovddáš lágidit Ohcejoga nuoraide sámegielat dáiddaleairra.
Deaivvadeapmi lágiduvvo sotnabeaivvi 13.12. Ohcejohnjálmmi skuvllas. Deaivvadeamis galget bargobájiid bokte ráhkadit rap-musihka, filmmaid, šuoŋa ja sániid.
Deaivvadeamis lea ulbmil suohtastallat ja oahpásmuvvat sámemusihkkii ja dáidaga iešguđet beliide, nu čállá Yle Sápmi neahttasiiddus.
Iešguđet bargobájit
Leaira sisttisdoallá 7-15-jahkásaččaide oaivvilduvvon rap-bargobáji, man musihkkár Ailu Valle doallá, 9-15-jahkásaččaide filbmabargobádji, man Sámi oahpahusguovddáža medialinjjá oahppi Niki Rasmus doallá, ja 7-15-jahkásaččaide bargobádji šuoŋa ja sániid ráhkadeamis, maid musihkkárat Nicholas Francett ja Oula Järvensivu doallaba.
Seamma beaivvi čájehit maid leat oahppan
Leairra oassálastit gárvejit čájáhusaid deaivvadeami loahpahankonsertii. Konsearta lágiduvvo Ohcejohnjálmmi skuvllas seamma beaivvi diibmu 18.00. Konsearta lea nuvttá ja rabas buohkaide.
Leirii galgá dieđihit iežas maŋimustá duorastaga 11.12.2015 Sámi musihkkaguovddáža plánejeaddji Oula Guttormii.
