Son áigu govvet ja jearahallat Finnmárkulaččaid geat orrot fylkkas, ja dasa lea ožžon stipeandda Finnmárkku fylkkasuohkanis.
Son áigu govvet ja jearahallat Finnmárkulaččaid geat orrot fylkkas, ja dasa lea ožžon stipeandda Finnmárkku fylkkasuohkanis.
Journalistastipeanda lea 70 000 ruvnno ja lea Finnmarken journalista Ole Gunnar Onsøien gii oažžu dan, dieđiha Finnmárkku fylkkasuohkan preassadieđáhusas.
Fáddá mainna áigu bargat lea «Sii orrot Finnmárkkus: Dá leat sii geat orrot Finnmárkkus 2018:s ja 2019:s. Govaid ja čállosiid bokte galget ollu finnmárkulaččaid historjját, oaivilat ja eallinvuogit ovdanbuktot».
Fylkkasátnejođiheaddji sávvá lihkku
– Mun sávan lihkku Onsøienii dáinna stipeanddain, ja sávan ahte šaddá miellagiddevaš lohkamuš ássiide, lohká fylkkasátnejođiheaddji Ragnhild Vassvik.
Ledje vihtta ohcamuša boahtán dán jagáš stipendii, ja Vassvik lohká ahte buohkain ledje miellagiddevaš fáttát.
Lea fylkkasátnejođiheaddji, Finnmárkku fylkkasuohkana kommunikašuvdnahoavda Trond Magne Henriksen ja Finnmárkku journalistasearvvi jođiheaddji Bjørn Arne Johansen geat mearridit geasa sii addet stipeandda.
